Би агаар солигдмол, нэг бол дулаан нэг бол хүйтэн. Хамгийн их хувирамтгай хүн юм.
би өөрийн эсрэг шүүмжлэл, элэглэл, доог тохууг зөнгөөрөө мэдэрч үл тоодог.
Амьдралаа өөрийн хүсэл сонирхолд нийцүүлэхийг хичээдэг. Хэн нэгнээс шалтгаалж амьдрахыг
хүсэхгүй.Тодорхойгүй зантай, байнга хоёрдмол санаатай. Хоёрдмол амьдралаар амьдарч
чадна. Хоёрдмол зан авиртай: нэг талаас хурц ухаан, дур булаам байдал, хөгжилтэй
зан нөгөө талаас уур цухал, ичгүүргүй зантай.
Би ухаантай, бүх талын мэдлэгтэй, дасан зохицох чадвартай. Хүмүүст ухаан, дур булаам
байдлаараа нөлөөлдөг. би 2 хүн л гэсэн үг. Сэтгэн бодохдоо, яриа хөөрөө өрнүүлэхдээ
сайн. Маш нийтэч. Би аливаа зүйлийг шүүрэн авдаг.
Нөгөө талаас цухалдуу. Хийрхүү. Жижиг юмыг том болгох, бэртэгчин, хар амиа бодсон,
аар саар юмаар хөөцөлдсөн, хүйтэн шазруун зантай.
Заримдаа хийж байгаа зүйлээ зөнд нь хаядаг тул амжилт олох нь ховор. Өөртөө итгэлгүй
байдал, энергийн дутагдал, хувь заяандаа даатгах /фатализм/ зэрэг нь надад эргээд
хор болдог. Хувирамтгай зан авираасаа, аливаа өөрчлөлтөнд дуртайгаасаа болж оршин
суугаа газар, ажил төрөл, бодол санаагаа байнга өөрчилдөг.
Би шинэ сонин үзэл санаа, шинэ сэтгэлгээ дүүрэн хүн бөгөөд аливаа зүйлийн учир жанцанг
олохдоо гаргууд. Арга овтой. Зохион бүтээх чадвартай. Шинэлэг зүйлд соргог. Бүх
насаараа суралцдаг. Хэвшмэл юм бүхэнд дургүй. Хэрэв хичээж зүтгэвэл амжилт олох
нь гарцаагүй.
Би шүүмжилж мэтгэлцэж чаддаг ба хуучинсаг үзэл хуучинсаг хүмүүсийг тэвчдэггүй. Удаан
сэтгэдэг, дууриамтгай хүмүүст дургүй. Би ярих дуртай харин сонсох дургүй. Ерөнхийдөө
би найрсаг зантай. Амьдралд тохиолдох ямарч нөхцөлөөс хөнгөхөөн гарч чадна. Би хүмүүсийг
эрх мэдэлдээ оруулж байнгын түгшүүртэй байдалд байлгадаг.
Нэгэн зэрэг олон ажил бүтээж чадах боловч өдөр тутмын аар саар зүйл намайг залхаадаг.
Би ёсчлон нямбай хийх, нэгэн хэвийн байдалд байх сонирхолгүй. Анхаарал минь ихээхэн
сарнидаг тул байнга цагаасаа хоцордог.
Би замбараагүй, ёс журамгүй, итгэл хөсөрдүүлэхээс буцахгүй. Ихээхэн хийрхүү янз
бүрийн "мания"-д автдаг. Өөрийн хүслийн тэс эсрэг биеээ авч явдаг.